पत्रकार राजेन्द्र पराजुलीको निधनप्रति महासंघ स्तब्ध

पत्रकारितासँगै साहित्य क्षेत्रमा समेत सक्रिय रहेका पत्रकार पराजुलीको ‘कोटेश्वरको केटो, शुक्रराज शास्त्रीको चस्मा, अघोरी, अनायिका, जाडोको भोक, सपनामा मार्क्स, विकल्प यात्रा’ लगायतका साहित्यिक कृति प्रकाशित भएका छन्। उनको पछिल्लो समय ‘जन्तरमन्तर’ कथासंग्रह प्रकाशनमा आएको थियो।

‘उनको निधनले नेपाली पत्रकारिता क्षेत्रले एक जुझारु, ऊर्जाशील र अनुभवी पत्रकार गुमाउनुका साथै महासंघले सक्रिय सदस्य गुमाएको छ भने साहित्य क्षेत्रले एक कुशल साहित्यकार गुमाएको छ’ महासंघले भनेको छ।

पराजुलीका श्रीमती, एक छोरा र एक छोरी छन्।

महासंघ स्वर्गीय पत्रकार पराजुलीप्रति हार्दिक श्रद्धाञ्जली अर्पण गर्दै दिवंगत आत्माको चिरशान्तिको कामना गरेको छ। साथै, शोकको यस घडीमा शोकसन्तप्त परिवारजनमा धैर्यधारण गर्ने शक्ति प्राप्त होस भन्ने कामनासहित गहिरो समवेदना व्यक्त गरेको छ।