बारामा गोली प्रहारबाट घाइते भएका प्रधानाध्यापकको निधन

गोली प्रहारबाट घाइते भएका बाराको कलैस्थित बाल एकता इङ्लिस बोर्डिङ स्कुलका प्रधानाध्यापक रुपेश सरार्फको निधन भएको छ। 

अज्ञात समूहले गरेको गोली प्रहारबाट घाइते भएका सरार्फको निधन भएको बाराका प्रमुख जिल्ला अधिकारी (सीडीओ) नवराज सापकोटाले जानकारी दिए।

दुई वटा मोटरसाइकलमा आएको अज्ञात समूहले उनीमाथि गोली प्रहार गरेको थियो।

कलैया–६ मदर्शा टोलमा उनीमाथि गोली प्रहार भएको थियो। लगत्तै उनलाई उपचारका लागि वीरगन्जस्थित बयोधा अस्पताल पुर्याइएको थियो। 

उपचारका क्रममा उनको निधन भएको हो। उनको शव अहिले अस्पतालमै राखिएको छ।