युनिकोड
आज (शनिबार) बिहान काठमाडौँबाट गोरखा जाँदै गरेको ट्याक्सी चितवनस्थित त्रिशूली नदीमा खस्दा मृत्यु भएका पाँचै जना गोरखास्थित गोरखा नगरपालिकाको एकै वडाका बासिन्दा भएको प्रहरीले जनाएको छ।
आज बिहान बा २ झ ४१९६ नम्बरको ट्याक्सी चितवनको इच्छाकामना गाउँपालिका-५, सिमलधारास्थित पृथ्वी राजमार्गबाट त्रिशूली नदीमा खस्दा मृत्यु भएका पाँचै जनाको ठेगाना गोरखा नगरपालिकाको वडा नम्बर ७ रहेको हो।
मुग्लिन प्रहरीका अनुसार दुर्घटनामा उक्त ठेगनाका ट्याक्सी चालक ३५ वर्षीय अर्जुन शिर्मल, ट्याक्सीमा सवार ४१ वर्षीया हरिमायां रोकाय, ७० वर्षीया जुनकिरी रोकाय, २८ वर्षीया अञ्जना रोकाय र ९ वर्षीय आगमन रोकायको मृत्यु भएको हो।
एक यात्रु भने बेपत्ता छन्। उनी पनि गोरखा नगरपालिका–७ कै १८ वर्षीय दिवश रोकाय रहेको प्रहरीले जानकारी दिएको छ।
प्रतिक्रिया