बझाङको ५२ सय मिटर उपचाइमा पुगेर सशस्त्र प्रहरीले गर्‍यो नेपाल-चीन सीमा स्तम्भको अनुगमन

सशस्त्र प्रहरी बलका सहप्रवक्ता डिएसपी शैलेन्द्र थापाकाअनुसार सशस्त्रका बझाङस्थित गुल्मबाट सशस्त्र प्रहरी नायव उपरीक्षक जनकराज पन्तको कमाण्डमा यही जेठ १३ गते त्यसतर्फ गएको सुरक्षा फौजदृ १७ गते बिहान सीमा स्तम्भको अनुगमन गरेको हो।
    
समुन्द्र सतहबाट ५ हजार २ सय मिटर उचाई तथा भौगोलिक रुपमा अत्यन्त विकट र हाई अल्टिच्युडका बावजुत सशस्त्र प्रहरी बलको टोली पहिलोपटक त्यहाँ पुगेको हो। जेठ १३ गते त्यसतर्फ गएको टोली १७ गते सीमा स्तम्भ तथा सीमाक्षेत्रको अनुगमन गरी २० गते सदरमुकाम फिर्ता भएको छ।

सदरमुकामबाट २८ किलोमिटर सवारी साधनमा गएको फौज बाँकी पैदल गएको थियो। सीमा स्तम्भ भएको स्थानसम्म पुग्न सशस्त्र प्रहरीको टोली बिचबीचमा पाल टागेर बसेको थियो।