युनिकोड
पोखरासहित गण्डकीका विभिन्न जिल्लाका थप १६ जनामा कोरोना संक्रमण पुष्टि भएको छ।
शनिबार साँझ पोखरा महानगरपालिकाका ३ जना महिलासहित ५ जनामा संक्रमण पुष्टि भएको हो।
संक्रमित महिलाहरु ३५, ३७ र ४० वर्षका भएको गण्डकी स्वास्थ्य विज्ञान प्रतिष्ठानले जनाएको छ।
यस्तै स्याङ्जाको भीरकोट नगरपालिकाका २ जना र गल्याङ नगरपालिकाका ३ जना पुरुषमा पनि संक्रमण देखिएको छ।
नवलपरासीका देवचुली नगरपालिकाका ६ जनामा पनि संक्रमण देखिएको छ। तीमध्ये ३ जना महिला रहेका छन्।
स्वास्थ्य विज्ञान प्रतिष्ठानले शनिबार साँझ जारी गरेको विज्ञप्ति अनुसार हालसम्म गण्डकीमा संक्रमितको संख्या ८५४ पुगेको छ।
प्रतिक्रिया