गण्डकी प्रदेशमा १५ जनामा कोरोना संक्रमण पुष्टि हुँदा कुल संक्रमितको संख्या ११ सय ९२ पुगेको छ।
गण्डकी स्वास्थ्य निर्देशनालयले आइतबार जारी गरेको विज्ञप्ति अनुसार तनहुँको ब्यास नगरपालिकाका १ जना, ऋषिङ गाउँपालिकाका ३, शुक्लागण्डकी नगरपालिकाका १ जना, भानु नगरपालिकाका १ जना गरी ६ जना रहेका छन्।
पर्वतको फलेवास नगरपालिकाका १ जना र महाशीला गाउँपालिकाका १ जना गरी २ जनामा संक्रमण पुष्टि भएको हो। बागलुङको जैमिनी नगरपालिकाका १ जना र ढोरपाटन नगरपालिकाका १ जना गरी २ जना, नवलपुरको मध्यबिन्दु नगरपालिकाकी १ महिला, स्याङ्जाको भिरकोट गाउँपालिकाका १ पुरुषमा संक्रमण देखिएको छ।
यसैगरि गोरखा सिरानचोकका १ र लमजुङको मध्यविन्दु र बेसिसहर नगरपालिकामा १/१ पुरुषमाा पनि संक्रमण पुष्टि भएको स्वास्थ्य निर्देशनालयका निर्देशक डा. विनोदविन्दु शर्माले जनाए । यता, गण्डकीमा अहिलेसम्म ७३६ जनाले कोरोनालाई जितेका छन्।
Shares
प्रतिक्रिया