आइतबार बिहान काभ्रेमा टिपरको ठक्करबाट मोटरसाइकलमा सवार दुई युवा गम्भीर घाइते भएका छन्।
आइतबार बिहान साढे ६ बजे पाचँखाल नगरपालिका- ५ केराघारीमा धुलिखेलबाट पाँचखालतर्फ जाँदै गरेको बागमति प्रदेश ०१-००६ ख ३८२६ नम्बरको टिपरले बिपरित दिशाबाट आउँदै गरेको ग ९ प ८३८० नम्बरको मोटरसाइकलाई ठक्कर दिएको प्रहरीले जनाएको छ।
दुर्घटनामा घाइते भएकामध्ये मोटरसाइकल चालक काभे्रको पाँचखाल नगरपालिका- १२ घर भएका ३५ वर्षीय प्रल्हाद दनुवारको अवस्था गम्भीर छ।
मोटरसाइकको पछाडि सवार पाँचखाल- १२ कै ३० वर्षीय राजकुमार दनुवारको अवस्था मध्मम रहेको जिल्ला प्रहरी कार्यालय काभ्रेका डीएसपी राजकुमार श्रेष्ठले जानकारी दिए। घाइते दुवैलाई प्रहरीले उपचारको लागि धुलिखेल अस्पताल लगेको छ।
दुर्घटनापछि टिपर लिएर फरार भएका चालक पाँचखाल- ६ का २६ वर्षीय प्रदिप रम्तेललाई केही समयअघि मात्रै पक्राउ गरिएको डीएसपी श्रेष्ठले बताए।
Shares
प्रतिक्रिया