पृथ्वी राजमार्गको मुग्लिन–मौवाखोला सडकका विभिन्न ठाउँमा खसेको पहिरो पन्छाएपछि सडकमा सवारी साधन सञ्चालनमा आएको छ।
गएराति परेको वर्षाका कारण मुग्लिन–मौवाखोला सडकका विभिन्न स्थानमा पहिरो खसेको थियो।
जिल्ला प्रहरी कार्यालयका प्रवक्ता भेषराज रिजालका अनुसार इच्छाकामना गाउँपालिका–३ चुम्लिङटार र मौवाखोलामा खसेको पहिरो हटाएसँगै गाडी सञ्चालनमा आएका हुन्।
मौवाखोलामा एकतर्फी र चुम्लिङटारमा दुईतर्फी सडक अवरुद्ध भएको थियो। कुरिनटारको सडकमा पनि विशाल ढुंगा खसेर सवारी रोकिएका थिए। रासस
276
Shares
प्रतिक्रिया