सुनसरीमा हाइसले दुई सवारीलाई एकसाथ ठक्कर दिँदा एकको मृत्यु, अर्का घाइते

सुनसरीमा हाइसको ठक्करबाट मोटरसाइकलमा सवारी एक जनाको मृत्यु भएको छ। दुर्घटनामा अर्का एक जना घाइते भएका छन्।

धरान उपमहानगरपालिका- ८ स्थित भोटेपुलमा मंगलबार दिउँसो ना १ ज ७१२१ नम्बरको हाइसले को ६ प ५६०३ नम्बरको मोटरसाइकल र को ३२ प ८६६१ नम्बरको स्कुटरलाई ठक्कर दिएको थियो।

हाइसको ठक्करबाट धरान उपमहानगरपालिका- १५ का ४६ वर्षीय शम्भु दर्जीको मृत्यु भएको हो। मोटरसाइकलमा सवार दर्जी दुर्घटनामा गम्भीर घाइते भएका थिए। उनलाई उपचारको लागि बीपी कोइराला स्वास्थ्य विज्ञान प्रतिष्ठान पुर्याउँदा चिकित्सकले मृत घोषणा गरेका प्रहरीले जनाएको छ।