युनिकोड
नारायण जोशीको अलराउन्ड प्रदर्शनमा सुदूरपश्चिम प्रदेशले प्रधानमन्त्री कप एकदिवसीय राष्ट्रिय क्रिकेट प्रतियोगितामा लुम्बिनी प्रदेशलाई हराउँदै विजयी सुरुआत गरेको छ।
सोमबार भएको खेलमा सुदुरपश्चिमले लुम्बिनीलाई ५ विकेटले पराजित गर्दै पहिलो जित दर्ता गरेको हो।
जितसँगै सुदुरपश्चिम अंक तालिकाको तेस्रो स्थानमा छ।
लुम्बिनीले दिएको १ सय ५९ रनको लक्ष्य सुदूरपश्चिमले २९ं३ ओभरमा ५ विकेट गुमाउँदै भेट्टायो।
सुदूरपश्चिमको जितमा शेर मल्ल ४२ र नारायण जोशी २८ रनमा नटआउट रहे। ओपनर खडक बोहराले २१, टेक रावतले १८ रन थपे। किरन ठगुन्नाले १६ र नरेन भट्टले १२ रन थपे।
लुम्बिनीका अभिषेक गौतमले ३ विकेट लिए। कृष्ण कार्की र अजय चौहानले समान एक् विकेट लिए।
त्यसअघि भैरहवाको सिद्धार्थनगरमा सुदुरपश्चिमले टस जितेर फिल्डिङ रोजेपछि ब्याटिङ गरेको लुम्बिनी ४८.४ ओभरमा १ सय ५८ रन बनाउँदा अलआउट भयो।
लु्म्बिनीका लागि प्रज्वल थापाले बनाएको ४२ रन नै सर्वाधिक रह्यो।
मोहम्मद हुसैनले २६ रन थपे। ओपनर विरात भण्डारीले २३ रन बनाए। मिनल गुरुङले १४ र दिलसद अलीले १० रन बनाए।
कृष्ण कार्की १२ रनमा नटआउट रहे। लुम्बिनीका ५ ब्याटरले दोहोरो अंकको स्कोर छुन सकेनन्।
सुदूरपश्चिमका लागि नारायण जोशी एक्लैले ३ विकेट लए। नरेन साउद, भोजराज भट्टले समान २ विकेट लिए। मिलन बोहोराको नाममा एक विकेट रह्यो।
प्रतिक्रिया