बङ्गलादेशका ब्याट्सम्यान नासिर हुसेनलाई ‘भ्रष्ट आचरण’ मा संलग्न भएको खुलासा गर्न असफल भएको स्वीकार गरेपछि मङ्गलबार सन् २०२५ अप्रिलसम्म क्रिकेट खेल्नबाट प्रतिबन्ध लगाइएको अधिकारीहरूले बताएका छन्।
उक्त प्रतिबन्ध सन् २०२१ अबुधाबी टि–१० लिगका क्रममा भ्रष्टाचारविरोधी नियमहरूको उल्लङ्घन तथा कथित म्याच फिक्सिङका लागि अन्य सात खेलाडी तथा अधिकारीहरूमाथि गरिएको अनुसन्धानपछि लगाइएको हो।
अन्तर्राष्ट्रिय क्रिकेट परिषद् (आईसीसी) का अनुसार हुसेनले तीन आरोप स्वीकार गरेका छन्। उनीमाथि दुई वर्षको प्रतिबन्ध लगाइएको छ र यसमा व्यवहारका आधारमा छ महिना निलम्बन हुनेछ।
हुसेन सात सय ५० अमेरिकी डलर मूल्यको नयाँ आइफोन १२ को ‘उपहार प्राप्ति’ र ‘भ्रष्ट आचरणमा संलग्न हुन उनले प्राप्त गरेको दृष्टिकोण वा निमन्त्रणाको पूर्ण विवरण’ फोनमार्फत भ्रष्टाचारविरोधी अधिकारीहरूलाई बताउन असफल भएको आइसिसीले बताएको छ।
उनले सम्भावित भ्रष्टाचारको अनुसन्धानमा भ्रष्टाचारविरोधी अधिकारीहरूलाई सहयोग गर्न ‘असफल वा अस्वीकार’ गरेको पनि स्वीकार गरेका छन्।
‘इमिरेट्स क्रिकेट बोर्डको भ्रष्टाचारविरोधी संहिताको उल्लङ्घनका तीन आरोप स्वीकार गरेपछि खेल सञ्चालक संस्थाले हुसेनमाथि प्रतिबन्ध लगाएको हो’, आईसीसीले दुबईमा भनेको छ, ‘निलम्बन गरिएको भागका सम्बन्धमा सर्तहरू पूरा गरेमा उनी सन् २०२५ अप्रिल ७ मा अन्तर्राष्ट्रिय क्रिकेट फेरि सुरु गर्न स्वतन्त्र हुनुहुनेछ।’
Shares
प्रतिक्रिया