युनिकोड
घरेलु मैदानमा जारी तीन खेलको एक दिवसीय सिरिजको दोस्रो खेलमा नेपालले तीन खेलाडी परिवर्तन गरेको छ।
पहिलो खेलमा टोलीमा रहेका कुशल भुर्तेल, आरिफ शेख र ललित राजवंशीलाई मुख्य प्रशिक्षक मोन्टी देसाईले बेन्चमा राखेका छन्।
उनीहरुको स्थानमा देव खनाल, अनिल शाह र आकाश चन्दलाई टोलीमा ल्याइएको छ।
क्यानडासँगको दोस्रो खेलमा आकाश चन्दले डेब्यु गर्ने भएका छन्।
आईसीसी यू-१९ विश्वकपको एकै खेलमा ५ विकेट लिर्दै आकाशले सनसनी मच्चाएका थिए।
कीर्तिपुरस्थित त्रिवि क्रिकेट मैदानमा हुन लागेको दोस्रो खेलमा क्यानडाले टस जितेर बलिङ रोजेपछि नेपालले पहिले फिल्डिङ गर्ने भएको छ।
पहिलो खेलमा क्यानडामाथि ७ रनको रोमाञ्चक जित हासिल गरेको नेपाल लगातार दोस्रो खेल पनि जितेर सिरिज आफ्नो पक्षमा पार्न चाहन्छ।
प्रतिक्रिया