फोर्स मोटरको नयाँ शोरुम हेटौंडामा, चाडपर्वलक्षित छुट अफर पनि सुरु

फोर्स मोटरको आयातकर्ता कम्पनी आयाम इन्टरकन्टिनेन्टल प्रालिले हेटौँडामा मोटरको नयाँ शोरुम खोलेको छ। कम्पनीले हेटौंडामा आइतबार हेटौंडा ४ सानोपोखरामा नयाँ शोरुम उद्घाटन गरेको हो।

आयामले कम्पनीका गाडीहरुको बिक्रीवितरण समेत गर्दै आएको छ। कम्पनीका पिकअप, बस, मिनिबस र एम्बुलेन्स नेपाली सडकमा गुड्दै आएका छन्।

यो कम्पनीको नेपालमा २२ वटा डिलर र सर्भिस सञ्जाल रहेको कम्पनीका प्रबन्धनिर्देशक निरन केसीले जानकारी दिए। काठमाडौंमा कम्पनीले गैह्रीधारा र पोखराको चाउथेमा आफ्नै शोरुम समेत खोलेको छ।

त्यस्तै कम्पनीले नेपाली चाड दशैँलक्षित विशेष छुट योजना पनि ल्याएको छ। गाडी खरिदमा आकर्षक उपहारको व्यवस्था गरिएको र करिब ४ लाखसम्म छुट पाउने कम्पनीले जनाएको छ।

कम्पनीका गाडी खरिदमा ३ लाख किमि वा ३ वर्षको वारेन्टी सुविधा समेत दिइएको छ।