पहिरो पन्छाएपछि खुल्यो नारायणगढ–मुग्लिन सडक

पहिरो खस्दा अवरुद्ध भएको नारायणगढ–मुग्लिन सडकखण्ड खुलेको छ। सो सडकखण्डअन्तर्गत भरतपुर महानगरपालिका–२९ केराबारीमा आज बिहान पहिरो खसेको थियो। पहिरो पन्छाएपछि अहिले दुईतर्फी यातायात सञ्चालन भएको हो।

जिल्ला प्रहरी कार्यालयका प्रवक्ता प्रहरी नायब उपरीक्षक नरहरि अधिकारीले पहिरो पन्छाएपछि दुईतर्फी यातायात सञ्चालन भएको जानकारी दिए। सडक खुलेसँगै पहिराका कारण रोकिएका सवारीसाधन आफ्नो गन्तव्यतर्फ लागेका छन्। रासस