बागमती प्रदेशको मन्त्रिपरिषद् बैठक आज बिहान (शुक्रबार) सम्पन्न भएको छ।
बैठकले प्रदेश नीति तथा योजना आयोगको सदस्यमा दुईजनालाई नियुक्ति गरेको छ। डाक्टर दीपेन्द्र श्रेष्ठ र डाक्टर जयन्त खनाललाई आयोगको सदस्य पदमा नियुक्ति गरिएको प्रदेश सरकारका प्रवक्ता तथा आर्थिक मामिला तथा योजनामन्त्री जगन्नाथ थपलियाले जानकारी दिए।
यसैगरी कर्मचारीसम्बन्धी कानुनका विषयमा संसद्मा छलफलका लागि लैजाने निर्णय भएको मन्त्री थपलियाले जानकारी दिए।
यसैगरी मन्त्रिपरिषद्को बैठकले प्रदेशमा खर्च कटौतीको प्रस्ताव पारित गरेको छ। यो प्रस्ताव पारित भएसँगै यथाशीघ्र कार्यान्वयनमा जाने समेत उनले बताए।
15
Shares
प्रतिक्रिया