बागमतीमा हात्तीको आक्रमणबाट मृत्यु भएका परिवारलाई १ लाख क्षतिपूर्ति

हात्तीको आक्रमणबाट मृत्यु भएका परिवारलाई १९१ लाख दिने बागमती प्रदेश मन्त्री परिषद्ले निर्णय गरेको छ।

मङ्गलबार बसेको मन्त्री परिषदको बैठकले हात्तीको आक्रमणबाट मृत्यु भएका मनहरी ४ मकवानपुरकी ६४ बर्षकी राधा अधिकारी, बकैया ५ का सन्तलाल माझी र सिन्धुली कमलामाई १३ का ४० बर्षका डण्डपाणी पौडेलको परिवारलाई क्षतिपूर्ति स्वरुप १÷१ लाख दिने  निर्णय गरेको प्रवक्ता आर्थिक मामिला तथा योजना मन्त्री जगन्नाथ थपलियाले जानकारी दिए।

• संसदमा उठ्यो मकवानपुरमा आतंक मच्चाउने हात्तीको विषय

अधिकारीको ८ गते, माझिको ११ गते र पौडेलको १३ गते हात्तीको आक्रमणबाट मृत्यु भएको हो।

यसैगरी आज नै बसेको मन्त्री परिषद् बैठकले प्रदेश सुशासन केन्द्रका निर्देशक बिमल पोख्रेलले दिएको राजीनामा पनि स्वीकृत गरेको प्रवक्ता मन्त्री थपलियाले जानकारी दिए।

• मकवानपुरमा निकुञ्जबाट निस्किएको हात्तीले आतंक मच्चायो