प्रदेश सभा भवनभित्र नीति तथा कार्यक्रम प्रस्तुत हुँदै, बाहिर जलमग्न

बागमती प्रदेश सरकारले आगामी आर्थिक वर्षको नीति तथा कार्यक्रम ल्याउने दिन आज प्रदेश सभा भवनकै अगाडि भने कन्तबिजोग देखिएको छ।

सोमबार मध्यान्हबाट पानी परेपछि बागमती प्रदेश सभा भवनको प्राङ्गण जलमग्न बनेको हो।

प्रदेशको विकासका लागि नीति तथा कार्यक्रम ल्याउँदै गर्दा प्रदेश सभा भवन भने जलमग्न बनेको हो।

पानीको उचित व्यवस्थापन नहुँदा सांसदहरूलाई बैठक कक्षसम्म पुग्न समेत सास्ती बनेको छ।