युनिकोड
नारायणगढ-मुग्लिन सडकखण्डमा गुडिरहेको माइक्रोबसमा माथिबाट ढुंगा खसेर लाग्दा दुई जना घाइते भएका छन्।
बुधबार (आज) बिहान ११ बजेतिर भरतपुर महानगरपालिका-२९, स्थित सत्रकिलोमा काठमाडौँबाट नारायणगढतर्फ आउँदै गरेकोे बा प्र ०१–००६ ख ६४१४ नम्बरको माइक्रोमा ढुंगा खसेर लाग्दा दुई जना घाइते भएका हुन्।
घाइते हुनेमा देवचुली नगरपालिका-१३ बस्ने ३० वर्षीया कल्पना परियार र उनकी छोरी ८ वर्षकी छोरी कञ्चन परियार रहेको जिल्ला प्रहरी कार्यालय चितवनले जनाएको छ।
उनीहरू दुवैजनाको भरतपुर अस्पतालमा उपचार भइरहेको प्रहरीले जनाएको छ।
ढुंगाले लाग्दा माइक्रोको अगाडिको सिसामा क्षति पुगेको बताइएको छ भने अन्य यात्रु तथा चालक भने सकुशल छन्।
प्रतिक्रिया