यतिबेला (मंगलबार बिहान) काठमाडौँ उपत्यकामा पनि हुस्सु लागिरहेको मौसमविद्ले बताएका छन्।
मौसम पूर्वानुमान महाशाखाका मौसमविद् रोजन लामिछानेका अनुसार अहिले बिहानीपख देखिएको हुस्सु घाम लागेसँगै बिस्तारै हट्दै जानेछ।
‘तर दिउँसो काठमाडौँ उपत्यकाको मौसम आंशिकदेखि सामान्यसम्म बदली हुने सम्भावना छ’, उनले भने, ‘यो भनेको बादल लाग्ने र घाम पनि देखिने अवस्था हो।’
आज काठमाडौँ उपत्यकामा पानी पर्ने सम्भावना रहे पनि सम्भावना न्यून रहेको मौसमविद् लामिछानेको भनाइ छ।
यसैबीच आज काठमाडौँ उपत्यकाको न्यूनतम तापक्रम हिजोको तुलनामा केही बढेको छ।
मौसमविद् लामिछानेका अनुसार बिहान ५:४५को रेकर्डअनुसार उपत्यकाको न्यूनतम तापक्रम ६.५ डिग्री देखिएको हो। हिजो उपत्यकाको न्यूनतम तापक्रम ६.१ डिग्री थियो। यद्यपि आजको आधिकारिक न्यूनतम तापक्रम पनि अहिले बिहान ८:४५ बजे सार्वजनिक गरिने मौसमविद् लामिछानेले बताए।
देशभरको मौसम : पहाडी भेगमा वर्षाको सम्भावना, तराईमा हुस्सु र कुहिरो
Shares
प्रतिक्रिया