करिब दुई महिना अघिदेखि पोर्चुगलमा बेपत्ता भएका एक युवकको शव भेटिएको छ।
नुवाकोटको बेलकोटगढी नगरपालिका–१२, का ३० वर्षीय सुजन सिलवालको शव समुद्रमा भेटिएको हो।
उनको शव बेपत्ता भएको भोलिपल्टै अर्थात् गत अप्रिल १६ मै प्रहरीले समुद्रमा भेटिएको थियो।
तर शवको पहिचान करिब ५५ दिनपछि अर्थात् बिहीबार भएको हो।
शवको पहिचान खुलेपछि प्रहरीले खबर गरेको गैरआवासीय नेपाली सङ्घ पोर्चुगलका अध्यक्ष रविन अधिकारीले बताए।
सिलवाल १५ अप्रिलबाट पोर्चुगलको राजधानी लिस्बनबाट हराएका थिए।
बेपत्ता हुनुअघि उनले नेपालस्थित परिवारसँग कुरा गरेको खुलेको छ। सिलवाल रोजगारीको सिलसिलामा ७ वर्षअघि पोर्चुगल गएका थिए।
सम्पर्कबाहिर भएपछि परिवारकै आग्रहमा पोर्चुगलको नेपाली समुदायले उनको खोजी सुरु गरेको थियो।
तर लामो समयसम्म उनको कुनै पत्तो लागेको थिएन। उनी सम्पर्कविहिन भएको ५५ दिनपछि ९ जुन मा पोर्चुगल प्रहरीले एनआरएनएलाई शवबारे जानकारी दिएको थियो।
पोर्चुगल प्रहरीले अप्रिल १६ मा एक शव समुद्रबाट निकालेको थियो। बिहीबार ९ जुनमा मात्रै मात्रै शवको पहिचान भएको हो।
सिलवालको शव लिस्बनको एक अस्पतालमा छ। उनका परिवारले शव नेपाल पठाइदिन आग्रह गरेका छन्।
Shares
प्रतिक्रिया