सुन तोलामा सात सय रुपैयाँ महँगियो

सुनको मूल्य आइतबार तोलामा सात सय रुपैयाँ बढेको छ। 

नेपाल सुनचाँदी व्यवसायी महासंघका अनुसार शुक्रबार १ लाख २ हजार ५ सय रुपैयाँमा कारोबार भएको सुन आइतबार १ लाख ३ हजार २ सय रुपैयाँ पुगेको हो। 

त्यस्तै तेजाबी सुन पनि सोही दरले बढेर १ लाख २ हजार ७ सय रुपैयाँमा कारोबार भएको छ। 

आज चाँदी पनि तोलामा १५ रुपैयाँ महँगो भएको छ। महासंघका अनुसार आज १ हजार २ सय ९० रुपैयाँमा कारोबार भएको हो।