चारतारे भिभान्ता होटलको आम्दानीसँगै नाफा ह्वात्तै बढेको छ।
होटल सञ्चालनमा आएयताकै सबैभन्दा बढी सञ्चालन आम्दानी र नाफा भएको हो।
२०१९ को जनवरीबाट सञ्चालनमा आएको होटलले अघिल्लो आर्थिक वर्षमा २२ करोड बढीको आम्दानी गरेको हो।
आर्थिक वर्ष २०७५/०७६ मा ८ करोडको आम्दानी गरेको होटलले २०७६/०७७ मा १७ करोड रुपैयाँ बराबरको आम्दानी गरेको थियो। कोभिड महामारीको प्रभावले ०७७/०७८ मा सञ्चालन आम्दानी घटेर ९ करोडमा सीमित भयो।
आन्तरिक र विदेशी पर्यटकको चहलपहल बढेसँगै कम्पनीको नाफा गरेको छ।
२०७७/०७८ मा ८.७ प्रतिशतले घाटामा गएको कम्पनीले ३१.६ प्रतिशतले नाफा बढाएको छ। कर, ब्याज, अवमूल्यनबाहेकको नाफा ३१ प्रतिशत हो।
४ स्टारको भिभान्तामा आर एन्ड आर होटल एन्ड रिसोर्ट प्रालिले सञ्चालन गर्दै आएको छ। होटलको व्यवस्थापन इन्डियन होटर्स कम्पनी लिमिटेडले गर्दै आएको छ।
होटलमा ७५ प्रतिशत सेयर चौधरी ग्रुपको रहेको छ भने रविभक्त श्रेष्ठको एनई ग्रुप २५ प्रतिशत रहेको छ।
Shares
प्रतिक्रिया