युनिकोड
मेटलाईफ नेपालका एक सय तीस जना कर्मचारीहरु गत माघ २९ देखि फागुन २ गतेसम्म ह्याबिट्याट फर ह्युम्यानिटिसँग सहकार्य गरी काभ्रेको भुकम्प प्रभावित क्षेत्र पाँँचखालमा आवास पुननिर्माण कार्यमा स्वयंसेवकको रुपमा संलग्न भएका छन्।
स्वयंसेवीको टोलीमा मेटलाइफ नेपालको भाइस प्रेसिडेन्ट र जेनेरल म्यानेजर निर्मल काजी श्रेष्ठसँगै हेड अफ अपरेसन, राम कुमार यादव सामेल थिए। समुदायको अवास निर्माण गर्ने कार्यमा स्वयंसेवीहरु स्थानीय समुदाय सँगसँगै ढुंगा फुटाउने, इट्टा बोक्ने र स्वेलिङ गर्ने जस्ता कार्यमा संलग्न भएका थिए।
‘मेटलाइफले पुननिर्माण कार्यमा ह्याबिट्याट फर ह्युम्यानिटिसँग सहकार्य गर्न पाउँदो गौरव महसुस गरेको छौँ। हामी हरेक दिन विश्वका लाखाैं ग्राहकका सम्पत्ति, वित्तीय व्यवस्था, परिवार र भविष्यको संरक्षण गर्ने प्रयास गर्दछौँ र हाम्रो स्वयंसेवाको प्रयास हामीले गर्ने कार्यको विस्तारित रुप हो। स्वंयसेवाको कार्यले हामीलाई स्थानीय समुदायसँग अन्तरकृया गर्ने मौका त मिल्यो नै यसले उनीहरु र उनीहरुको परिवार सँगसँगै काम गर्ने, उनीहरुको जीवनलाई नजिकबाट नियाल्ने र उनीहरुको आवश्यकता बुझ्ने मौका पायौँ’ निर्मलकाजी श्रेष्ठले भने।
मेटलाईफले एसियाका धेरै देशमा ह्याबिट्याट फर ह्युम्यानिटिसँग विभिन्न आयोजनाहरुमा काम गरिसकेको छ। सन् २०१९ मा मेटलाइफका ८ हजार एक सय भन्दा बढी स्वयंसेवीले एसियाका ९ देशमा २५ हजार भन्दा बढी घण्टा समयको योगदान दिइसकेका छन् ।
प्रतिक्रिया