पोखरामा बचेखुचेका विदेशी पर्यटकहरुले बिहीबार बाटो तताएका छन्। पर्यटन प्रहरी कार्यालय कास्कीले विभिन्न दूतावासहरुको समन्वयमा विभिन्न देशका २३ जना पर्यटकहरुलाई काठमाडौं पठाएको हो।
पोखरा छाडेकाहरुले शुक्रबार बेलायती चार्टर्ड विमानमार्फत आफ्नो देश टेक्नेछन्। बिहीबार पोखरा छाड्नेमा फ्रान्सका १०, बेलायतका ७ जनासहित टर्की, अमेरिका र स्विडेनका नागरिकहरु रहेका छन्।
अहिलेसम्म ८६७ जना विदेशी पर्यटकहरुलाई पोखराबाट उद्दार गरिएको र अब पोखरामा नेपालमै बस्न चाहने केही पर्यटकहरुमात्रै रहेको पर्यटन प्रहरी कार्यालय पोखराले जनाएको छ।
कोरोनाले आफ्नो देशलाई गाँजेको बेला पनि उनीहरु देशकै मायाले स्वदेश फर्किएका हुन् भने राज्यले समेत आफ्ना नागरिकलाई फर्काउने व्यवस्था मिलाएको हो।
प्रतिक्रिया