युनिकोड
राष्ट्र बैंकले चालू आर्थिक वर्ष २०७७/०७८ का लागि ल्याएको मौद्रिक नीतिबाट उद्योगी र व्यवसायी खुसी भएका छन्। उद्योगी व्यवसायीहरु पशुपति मुरारका, शेखर गोल्छा र सौरभ ज्योतिले सामाजिक सञ्जाल ट्विटरमार्फत नयाँ मौद्रिक नीतिको स्वागत गरेका हुन्।
ट्विटरमा उद्योग वाणिज्य महासंघको नेतृत्वमा आउने पक्का भइसकेका गोल्छाले मौद्रिक नीतिले ‘हाम्रो अधिकांश माग पूरा गरेको’ प्रतिक्रिया दिएका छन्।
— Shekhar Golchha (@golchha_shekhar) July 17, 2020मौद्रिक नीतिले हाम्रा अधिकांश माग सम्बोधन गरेको छ । पुनरकर्जा लगायत प्रावधानले साना तथा मझौला उद्यमी, पर्यटन क्षेत्रले राहत पाउनेछ । ऋणको पुनर्संरचना र पुनर्तालिकिकरण सुविधाले व्यवसायीलाई सहयोग पुग्नेछ। कृषि जलविद्युतमा लगानी बढ़ने देखिन्छ । प्रभावकारी कार्यान्वयनको अपेक्षा ।
उनले पुनर्कर्जालगायतका प्रावधानले उद्यमी तथा पर्यटन क्षेत्रले राहत पाउने बताएका छन्। त्यस्तै ऋणको पुनर्संरचना र पुनर्तालिकीकरण सुविधाले व्यवसायीलाई सहयोग पुग्ने उनको भनाइ छ। उनले यसको प्रभावकारी कार्यान्वयनमा जोड दिएका छन्।
त्यस्तै मुरारकाले मौद्रिक नीतिले उद्योगी व्यवसायीको समस्या केही हदसम्म सम्बोधन गरेको बताएका छन्।
मौद्रिक नीतिले उद्योगी व्यवसायीको समस्यालाई केही हद सम्म सम्बोधन गरेको छ।
धन्यवाद @AdhikariMaha
त्यस्तै सौरभ ज्योतिले पनि मौद्रिक नीतिलाई प्रगतिशील भनेका छन्। उनले पनि निजी क्षेत्रलाई कठिन परिस्थितिमा राहत हुने र दीर्घकालीन योजनासाथ आएको टिप्पणी गरेका छन्।
Glad to see a progressive monetary policy with a long term plan and also providing private sector with some relief during this difficult time. #monetarypolicy
— Saurabh Jyoti (@Jyotijyotisau) July 17, 2020
प्रतिक्रिया