दराज १२.१२ मा सिम टीभी र डिशहोमको सहकार्य

नेपालको परिचित अनलाइन सपिङ ब्राण्ड दराज र डिशहोम तथा सिम टीभीबीच सहकार्य सुरु भएको छ।

दराजले आफ्नो वर्षको अन्तिम सेल अभियान ‘दराज १२.१२’ सफल बनाउन डिशहोमसँग सहकार्य गरेको हो। सिम टीभी डिशहोमको डिजिटल टेलिभिजन सेवा हो। यो अभियान मंसिर २७ बाट सुरु भएर पुस ३ सम्म सञ्चालन हुनेछ।

११.११ अभियानको सफलतापछि दराजले १२.१२ अभियान बनाउन डिशहोम र सिम टीभीसँग सहकार्य गरेको हो। यस अभियानमा सहभागी भई आलाइनमार्फत डिशहोम र सिम टीभी खरिद गर्ने उपभोक्ताले १२ प्रतिशतसम्म छुट पाउने छन्।