युनिकोड
नेपालमा निसान र ड्याट्सन गाडीको बिक्रेता पायोनियर मोटोकर्पको सञ्चालन आय १ अर्ब १४ करोड २० लाख रुपैयाँले बढेको छ।
सन् २०२१ मा कम्पनीले ३ अर्ब ७४ करोड १० लाख रुपैयाँ आम्दानी गरेको हो।
कम्पनीले सन् २०१८ मा २ अर्ब ७२ करोड ४० लाख, सन् २०१९ मा ३ अर्ब २३ करोड ९० लाख र सन् २०२० मा २ अर्ब ५९ करोड ९० लाख रुपैयाँ आम्दानी गरेको थियो।
रेटिङ एजेन्सी इक्रा नेपालका अनुसार सन् २०१४ को अगस्टमा स्थापना भएको पायोनियर मोटो कर्प निसान र ड्याट्सनको आधिकाारिक बिक्रेता हो। कम्पनीमा सन्दीप कुमार सारडाको शतप्रतिशत सेयर रहेको छ। उनी नै यसका प्रबन्धनिर्देशक हुन्।
यो कम्पनीले स्पेयर र एसेसरिज तथा दुवै ब्रान्डको सर्भिसिङ उपलब्ध गराउँदै आएको छ। यसका तीन शोरुम र सेल्स आउटलेट छन्।
दुईवटा काठमाडौंमा र एउटा विराटनगरमा रहेका छन् भने १० वटा क्षेत्रीय डिलरसिप आउटलेट मुख्य सहरहरुमा रहेका छन्।
प्रतिक्रिया