चार फिल्मसँग जुध्ने भयो अनमोलको छड्के

नेपाली फिल्म ‘छड्के २’ फागुन १९ मा रिलिज हुने भएको छ। यसअघि साेही मितिमा ‘छक्का पन्जा ४’, ‘वर एन्ड बधु’, ‘परस्त्री’ र ‘बुलाकी’ प्रदर्शन हुने पक्का भैसकेको छ। यही मितिमा ‘छड्के २’ पनि रिलिज हुने भएपछि ५ फिल्मको भिडन्त हुने देखिएको छ।

निर्माण टिमले फिल्मको पोस्टर सार्वजनिक गर्दै रिलिज मिति घोषणा गरेको हो। अनमोल केसी स्टारर यो फिल्म निगम श्रेष्ठले निर्देशन गरेका हुन्।

निगमकै लेखन तथा निर्देशन रहेको फिल्ममार्फत ग्याङस्टारको कथा भन्न खोजिएको छ। लभस्टोरी फिल्ममा रुचाइएका अनमोल पहिलोपटक ग्याङस्टारको अवतारमा देखिँदै छन्।