दिलकी डाक्टर स्मृतिको दिल छुने म्युजिक भिडियो

स्मृति शाक्य पेसाले चिकित्सक हुन्। मनमोहन कार्डियोथोरासिक भास्कुलर एन्ड ट्रान्सप्लान्ट सेन्टरमा उपप्राध्यापक छिन्।

मुटुरोग विशेषज्ञ डा स्मृतिले अहिलेसम्म हजारौँ दिल अर्थात् हृदयको वेग नापेकी छन्। रोगीहरूको सफल उपचार गरिसकेकी उनले गायिकाको पनि परिचय थपेकी छन्।

सुमधुर आवाजकी धनी शाक्यले पछिल्लो समय ‘मैले माया लाएको धोका दिन होइन, मैले प्रीति गाँसेको दुःख दिन होइन’ बोलको मर्मस्पर्शी गीतको म्युजिक भिडिओ बजारमा ल्याएकी छन्। भिडिओमा सबै दृश्य काठमाडौँ र ललितपुरका छन्।

युट्युबमार्फत सार्वजनिक गीतमा अजयक्रान्ति शाक्यको शब्द र संगीत रहेको छ।