बलिउड अभिनेता अर्जुन रामपालको मुम्बईस्थित घरमा लागुऔषध अनुसन्धान गर्ने भारतीय निकाय नाकोटिक्स कन्ट्रोल ब्युरो (एनसीबी) ले सोमबार छापा मारेको छ।
उनको घरमा खानतलासी गर्र्दै घरमा रहेका मानिससँग एनसीबीले सोधपुछ गरेको भारतयि सञ्चारमाध्यमले जनाएका छन्।
अभिनेता सुशान्त सिंह राजपुतको मृत्यु प्रकरण अनुसन्धान क्रममा बलिउडभित्र केही कलाकार लागुऔषधमा संलग्न रहेको सूचना पाएपछि एनसीबीले खानतलासी गरिरहेको छ।
एनसीबीको आधिकारिक सूत्रले सोमबार अर्जुन रामपालको घरमा ८ घण्टासम्म खानतलासी गरेको र उनका मोबाइललगायत इलेक्ट्रोनिक सामान सिज गरेको जानकारी दिएको छ।
साथै अभिनेता अर्जुनलाई बुधबार बयानका लागि कार्यालयमा उपस्थित हुन सूचना पनि जारी गरेको बीबीसी हिन्दीले जनाएकाे छ।
यसअघि एनसीबीले धेरै कलाकारसँग बयान लिइसकेको छ, जसमा अभिनेत्री दीपिका पादुकोण पनि एक हुन्।
प्रतिक्रिया