चीनको गान्सु प्रान्तमा हालै ठूलो हावा र हुन्डरी चलेको थियो।
सो हुन्डरीले विजुलीको पोल ढालेको थियो भने कार, साना गाडी, मोटर साइकल लगायतका सवारी साधन उडाएर धेरै परसम्म पुर्याएको थियो।
साउथ चाइना मर्निङ पोस्टले सोही हावा र हुन्डरीको एउटा भिडिओ सार्वजनिक गरेको छ।
फेसबुकमा सार्वजनिक भिडिओमा गाडी उडाउने हुन्डरीका बाबजुद एउटी आमाले सानी छोरीलाई जोगाउन सफल भएको देखिएको छ।
(भिडिओ)
भिडिओमा देखिएअनुसार उनीहरु स्कुटरमा हुन्छन् ठूलो हावासँगै आमा–छोरी दुवै सडकमा लड्छन्।
छोरीलाई हावाले नउडाओस् भनेर उनले आफ्नो शरीरले छोरीलाई छेकेको देख्न सकिन्छ। एउटा सानो गाडीलाई हावाले हुइक्याँएर परसम्म पुर्याएको पनि देखिन्छ। यद्यपी ती आमा छोरीलाई छोडेर अन्त जादिँनन्।
सो भिडिओको क्याप्सनमा लेखिएको छ,‘आफ्नो बच्चाको सुरक्षा गर्ने आमाभन्दा शक्तिशाली कोही हुँदैन।’
यो भिडिओ हेरेपछि विश्वभरका मानिसले आमाभन्दा ठूलो कोही छैन संसारमा, आमा भगवान हुन् भनेर प्रतिक्रिया जनाइरहेका छन्।
(भिडिओ)
Shares
प्रतिक्रिया