युनिकोड
स्याङ्जामा खाना पकाउने ग्याँस चुहावट (लिक) हुँदा आगलागी भएको छ। आगलागीमा परेर ३ जना घाइते भएका छन्।
स्याङ्जा हरिनास गाउँपालिका ६ हटियास्थित नारायण मानन्धरको घरमा खाना पकाउने क्रममा अचानक ग्यास लिक भएको हो।
त्यसपछि भएको आगलागीमा परी ६० वर्षीय नारायण मानन्धर, ३४ वर्षीय रोशन भन्ने खिमनारायण मानन्धर र २० वर्षीय विशाल मानन्धर घाइते भएका हुन्।
नारायण र खिमनारायणको दुवै खुट्टाका केही भाग जलेको छ। विशालका दुवै खुट्टा र अनुहारको केही भाग जलेको छ।
उनीहरुको अहिले पश्चिम क्षेत्रीय अस्पताल पोखरामा उपचार भइरहेको स्याङ्जाका प्रहरी नायब उपरीक्षक रवीन्द्र खनालले जानकारी दिए।
प्रतिक्रिया