चीनलाई चुनौती दिनेगरी भारत–मध्यपूर्व नयाँ यातायात करिडोर निर्माण हुने, अमेरिका र युरोपको समर्थन

भारतलाई मध्यपूर्वसँग जोड्न नयाँ रेलमार्ग तथा पानीजहाज करिडोर खोल्ने योजना अघि सारिएको छ। शनिबार नयाँ दिल्लीमा सुरु भएको जी २० शिखर सम्मेलनको साइडलाइनमा यसबारे घोषणा हुने आकलन गरिएको छ।

यो पूर्वाधार परियोजनाले साउदी अरब र यूएईलाई छुनेछ। यो परियोजना सो क्षेत्रमा चीनका लागि चुनौती बन्ने कतिपयको भनाइ छ।

महिनौँदेखि यो परियोजनाबारे चर्चा चल्दै आएको छ। त्यसलाई औपचारिकता दिने काम हुने अमेरिकी अधिकारीहरुको भनाइ उधृत गर्दै फाइनान्सियल टाइम्सले जनाएको छ।