युनिकोड
यमनमा रहेका इरान समर्थित हुथी विद्रोहीले इजरायलतर्फ मिसाइल प्रहार गरेको छ।
अल–मसिराह टीभीमार्फत विज्ञप्ति जारी गरी हुथी विद्रोहीले हमासविरुद्ध आक्रमण नरोके इजरायलमा मिसाइल र ड्रोन आक्रमण जारी राख्ने चेतावनी पनि दिएको छ।
विज्ञप्तिमा भनिएको छ, ‘हुथी विद्रोहीहरूले मंगलबार इजरायलतर्फ ठूलो संख्यामा मिसाइल प्रहार गरे।’
यसअघि इजरायली सेनाले ‘शत्रुको विमान घुसपैठ’का कारण लाल सागरको इलातमा साइरनको आवाज सुनिएको बताएको थियो। पछि उसले विज्ञप्ति जारी गरी इजरायलतर्फ प्रहार गरिएका मिसाइल नष्ट भएको जनाएको छ।
इजरायली सेनाले भनेको छ, ‘सबै हवाई खतरा इजरायली क्षेत्र बाहिर रोक्याैँ।’
हुथी विद्रोहीले सन् २०१४ मा यमनको राजधानी कब्जा गरेका थिए र अझै पनि देशको ठूलो भाग उनीहरूले कब्जा गरेका छन्।
प्रतिक्रिया