युनिकोड
रुसी अनुसन्धानकर्ताहरूले अनुसन्धान पूरा नभएसम्म विपक्षी नेता अलेक्सी नभाल्नीको शव परिवारलाई हस्तान्तरण नगर्ने बताएका छन्।
रुसका राष्ट्रपति भ्लादिमिर पुटिनका कट्टर आलोचक नभाल्नीको केही दिनअघि जेलमै मृत्यु भएको थियो।
तर नभाल्नीका प्रवक्ता किरा यार्मिसले उनको मृत्यु नभईं राष्ट्रपति भ्लादिमिर पुटिनको आदेशमा हत्या गरिएको आरोप लगाएकी छन्।
‘हामीलाई थाहा छ, यो मृत्यु मात्र होइन हत्या हो’, उनले भनिन्, ‘प्रमाण लुकाउन खोजिरहेका छन्, परिवारलाई शव बुझाउँदैनन्, त्यही भएर लुकाइरहेका छन्।’
नभाल्नीको शव कहाँ छ र कहिले उनको परिवारलाई बुझाइन्छ भन्ने थाहा नभएको यार्मिसले बताइन्।
उनले रुसी कानुनअनुसार कैदीको शव मृत्यु भएको दुई दिनपछि नै परिवारलाई बुझाउनुपर्ने बताइन्।
प्रतिक्रिया