युनिकोड
इजरायली ट्याङ्कहरूले रफाहको अल-अवडा कब्जा गरेका छन्।
रफाहका स्थानीय पत्रकारले यसको पुष्टि गरेको बीबीसीले जनाएको छ।
अल-अवडालाई रफाह सहरको मुटु भनिन्छ। यो बैंक, सरकारी संस्था र व्यापारको दृष्टिकोणबाट धेरै महत्त्वपूर्ण मानिन्छ।
इजरायली सेनाले प्यालेस्टाइन-इजिप्ट सीमाको दक्षिणी भागमा करिब आधा किलोमिटर क्षेत्र कब्जा गरेको छ।
सहरको पश्चिमी भागमा रहेको एमिराती अस्पतालमा आफ्नो परिवारसँग आश्रय लिएका एक विस्थापित व्यक्तिले भनेका छन्- सैनिकहरूले भवनको माथि कब्जा गरेका छन् र गोली हानेका छन्।
हमासद्वारा सञ्चालित स्वास्थ्य मन्त्रालयले गाजामा इजरायली आक्रमणमा गत २४ घण्टामा ४६ प्यालेस्टाइनीको मृत्यु भएको र ११० जना घाइते भएको बताएको छ।
यस्तै अक्टोबर ७ यता इजरायली आक्रमणका कारण ३६ हजार ९६ प्यालेस्टाइनीको मृत्यु भएको बताइएको छ।
रफाह सहरबाहेक इजरायली सेनाले उत्तरी र मध्य गाजामा पनि सैन्य कारबाही गर्ने पुष्टि गरेको छ।
प्रतिक्रिया