युनिकोड
बंगलादेशमा शेख हसिनाले प्रधानमन्त्री पदबाट राजीनामा दिएर देश छाडेपछि धेरै सहरमा ठूलो मात्रामा लुटपाट र आगजनी भएका छन्।
राजधानी ढाकामा जनताको भीड सडकमा उत्रियो भने प्रधानमन्त्री निवाससहित धेरैवटा भवनमा तोडफोड गरियो।
सार्वजनिक तस्बिरहरूमा प्रधानमन्त्रीको कार्यालयबाट सामान बोकेर हिँडेको देखिन्छ भने प्रदर्शनकारीहरू प्रधानमन्त्री निवासको सोफामा बसेर सेल्फी खिचिरहेको पनि देखिन्छ।
यस्तै प्रदर्शनकारीहरूले गृहमन्त्री निवासमा पनि तोडफोड गरेका छन्।
बंगलादेशका सेना प्रमुखले जनतालाई शान्ति कायम राख्न अपिल गरेका छन्। उनले देशमा अन्तरिम सरकार बन्ने र त्यसका लागि सबै दलसँग वार्ता भइसकेको बताएका छन्।
यसैबीच बेलायत र युरोपेली संघले बंगलादेशको वर्तमान अवस्थाप्रति चिन्ता व्यक्त गर्दै देशमा लोकतन्त्र जोगाउन तत्काल कदम चाल्न आग्रह गरेका छन्।
बंगलादेशमा सरकारी जागिरमा आरक्षणको विरोधमा गत जुलाई महिनादेखि देशका विद्यार्थीहरूले प्रदर्शन गरिरहेका थिए।
यो आन्दोलन निकै आक्रामक र हिंस्रक भयो र जुलाई महिनामा मात्रै ३०० भन्दा बढी मानिस मारिए।
गत महिना मात्रै शेख हसिनाले आन्दोलन रोक्न सेना परिचालन गरिन् तर रोकिएन।
बंगलादेशका विद्यार्थीले आइतबारदेखि सविनय अवज्ञा आन्दोलनको आह्वान गरेका थिए। यसमा सबै सरकारी कर नतिर्न सर्वसाधारणलाई अपिल गरिएको थियो।
बंगलादेशमा आइतबार ठूलो मात्रामा हिंसा भड्किएको थियो र त्यसमा ९० जनाको मृत्यु भएको थियो भने प्रहरीले सोमबार २० जनाको मृत्यु भएको पुष्टि गरेको छ।
शेख हसिनाका छोरा साजीव वाजिद रोयले बीबीसी वर्ल्ड सर्भिस कार्यक्रम न्युजहोरलाई आफ्नी आमाले आइतबारै पदबाट राजीनामा दिने मन गरेको बताएका छन्।
-
बंगलादेश संकट अपडेट :
- सेनाप्रमुख बनेको महिना दिनमै मुलुकको मियो बन्न पुगे जर्नेल जमान
- शेख हसिनाले देश छाडेपछि खालिदा जियालाई रिहा गर्न आदेश
- हसिना सत्ताच्यूत हुँदा ‘राजनीतिक मित्र’ मोदीलाई ठूलो घाटा
- सेनाले दिएको थियो भाग्न ४५ मिनेटको अल्टिमेटम
- बंगलादेशीहरू गोलीसँग डराउन छाडे, सेनाले पनि हात झिक्यो अनि हसिनाले घुँडा टेकिन्
- शेख हसिना सवार विमान भारत अवतरण, त्यहाँबाट पनि लन्डन भाग्ने सम्भावना
- हसिना भारततर्फै किन भागिन्?
- आर्थिक समृद्धिले थामेन हसिनाको कुर्सी, लोकतन्त्र मास्न खोज्दा देश छाडेर भाग्नुपर्यो
- शेख हसिना भागेपछि प्रधानमन्त्री निवासमा आन्दोलनकारीको ढलीमली (भिडिओ)
- भाषण रेकर्ड गर्ने मौका पनि पाइनन् शेख हसिनाले
- बंगलादेशमा अन्तरिम सरकार बनाउने सेना प्रमुखको घोषणा
- बंगलादेशकी प्रधानमन्त्रीको राजीनामा, प्रदर्शनकारी प्रधानमन्त्री निवास छिरे
- प्रधानमन्त्री निवासमा आन्दोलनकारी पसेपछि भागिन् हसिना
- प्रधानमन्त्री शेख हसिनाले ढाका छोडिन्, सेना प्रमुखले सम्बोधन गर्दै
प्रतिक्रिया