रिपब्लिकन राष्ट्रपति पदका उम्मेदवार निक्की हेलीले सन् २०२४ को अमेरिकी राष्ट्रपतीय निर्वाचनमा डोनाल्ड ट्रम्पलाई भोट दिने बताएकी छन्।
हेली ट्रम्प प्रशासनमा संयुक्त राष्ट्रसंघका लागि अमेरिकी स्थायी प्रतिनिधि थिइन्। उनी मार्चको सुरुमा रिपब्लिकन पार्टीको राष्ट्रपति पदको उम्मेदवारीको दौडबाट बाहिरिएकी थिइन्।
त्यतिबेला उनले ट्रम्पलाई समर्थन गरेकी थिइनन्। तर ट्रम्पले आफ्ना लाखौँ समर्थकको विश्वास जित्ने प्रयास गर्नुपर्ने बताएकी थिइन्।
बीबीसीका अनुसार बुधबार निक्की हेलीले ट्रम्प राष्ट्रपतिका रूपमा पूर्ण नभएको तर राष्ट्रपति जो बाइडेन विनाशकारी राष्ट्रपति भएको टिप्पणी गरिन्।
सुरुमा निक्की हेलीले ट्रम्पका लागि समस्या खडा गर्न सक्छिन् भन्ने लागेको थियो तर त्यसो भएन।
बाइडेनले हेलीका समर्थकहरूको मन जित्ने प्रयास गरेका थिए।
हेलीका समर्थकहरूमा उदारवादी र स्वतन्त्र मतदाता छन्। यो त्यो वर्ग हो जसले लोकतान्त्रिक पार्टीको चुनावको दिशा बदल्न सक्छ।
Shares
प्रतिक्रिया