युनिकोड
भारतकी सोसल मिडिया इन्फ्लुएन्सर (सामाजिक सञ्जालमा प्रभाव पार्ने व्यक्ति) प्रिया सिंहविरुद्ध आक्रमण र कार चढाएको प्रकरणमा महाराष्ट्रको ठाणेस्थित एक अदालतले अश्वजित गायकवाडसहित तीन अभियुक्तलाई १४ दिनका लागि न्यायिक हिरासतमा पठाउन आदेश दिएको छ।
समाचार एजेन्सी एएनआईका अनुसार अश्वजित महाराष्ट्र राज्यका एक वरिष्ठ अधिकारीका छोरा हुन्। प्रहरीले उनीसहित तीन अभियुक्तलाई आज अदालतमा पेस गरेको थियो।
प्रिया सिंहको आरोपअनुसार अश्वजित उनका ‘ब्वायफ्रेन्ड’ थिए र उनीहरू साढे ४ वर्षदेखि सम्बन्धमा थिए। अश्वजितले उनलाई विवाह गर्ने वचन पनि दिएको प्रियाको दाबी छ।
के छन् आरोप?
सामाजिक सञ्जालमा एक पोस्टमार्फत प्रिया सिंहले आरोप लगाइन्, ‘अश्वजितले मलाई आफ्नी श्रीमतीसँग डिभोर्स गरिसकेको र अहिले छुट्टै बस्ने गरेको बताएका थिए। तर घटना भएको दिन मैले जब अश्वजितलाई आफ्नी श्रीमतीसँग देखेँ, उनी रिसाए। यसैकारण उनले मलाई मार्न खोजे।’
अश्वजितसिंह गायकवाडले आफूलाई कारले किचेर हत्या गर्ने प्रयास गरेको प्रियंकाको आरोप छ।
यस प्रकरणमा प्रहरीले अश्वजितसहित तीन जनाविरुद्ध मुद्दा दर्ता गरेको छ।
#WATCH | All three accused including Maharashtra senior bureaucrat's son Ashwajit Gaikwad brought to Thane court, in connection with runover case pic.twitter.com/X2BrZBSTDa
— ANI (@ANI) December 18, 2023
प्रतिक्रिया