युनिकोड
प्रदेश १ को नामको विषयमा मुख्यमन्त्री राजेन्द्र राईले दिएको अभिव्यक्तिप्रति गैर सरकारी संस्था महासंघ प्रदेश १ ले खेद व्यक्त गरेको छ।
मुख्यमन्त्री राईले नामकरणका विषयमा सहजीकरण गर्न छोडेर सद्भाव भड्काउन खोजेको महासंघको आरोप छ।
महासंघले शुक्रबार एक विज्ञप्ति जारी गरी मुख्यमन्त्रीले नामको बिषयमा छलफल, सहजीकरण र नेतृत्वदायी भूमिका निर्वाह गर्नु पर्नेमा सद्भाव भड्काउँदै हिँडेको बताएको हो।
महासंघले मुख्यमन्त्रीको अभिव्यक्ति सामाजिक सद्भाव भड्काउने, प्रदेशको नामकरण नगर्ने उद्देश्य र पदीय आचरण विपरीतको गैरजिम्मेवारपूर्ण रहेको ठहर गरेको छ।
साथै, मुख्यमन्त्रीको अभिव्यक्तिप्रति खेद व्यक्त गर्दै प्रदेशको नामकरण गर्ने जिम्मेवारीबाट नभागी चालु अधिवेशनबाट टुंगो लगाउन माग गरेको छ।
प्रतिक्रिया