युनिकोड
नेपाल प्रेस युनियनको नवौँ राष्ट्रिय महाधिवेशनमा उम्मेदवारका लागि तोकिएको मनोनयन दस्तुर घटाइएको छ।
उम्मेदवारी शुल्क महँगो भएको भन्दै युनियनका कार्यकर्ताहरूले महाधिवेशनस्थलमा नाराबाजी गरेपछि घटाइएको हो।
रकम बढी भएको भन्दै प्रतिनिधि र उम्मेदवारहरूले विरोध जनाएपछि घटाएको निर्वाचन अधिकृत प्रवीण हुमागाईँले बताए ।
नयाँ दस्तुरअनुसार अब अध्यक्षका उम्मेदवारले मनोनयन दर्ता गर्दा २० हजार रूपैँया दाखिला गर्नुपर्ने छ।
प्रेस युनियनमा चर्को मनोनयन शुल्क : अध्यक्षलाई ३० हजार, केन्द्रीय सदस्यलाई १५ हजार
यसअघि अध्यक्षको शुल्क ३० हजार थियो। त्यसैगरी वरिष्ठ उपाध्यक्ष, उपाध्यक्षहरू, महासचिव, उपमहासचिव, कोषाध्यक्ष, सचिव तथा केन्द्रीय लेखा समिति संयोजकले जनही १० हजार रूपैँया शुल्क बुझाए हुने आन्दोलनमा उत्रिएका केन्द्रीय सदस्यका उम्मेदवार तेजन खड्काले बताए।
यसअघि वरिष्ठ उपाध्यक्ष, उपाध्यक्षहरू, महासचिव र उपमहासचिवको २५ हजार तथा सचिव, कोषाध्यक्ष तथा केन्द्रीय लेखा समिति संयोजकका लागि २० हजार तोकिएको थियो।
केन्द्रीय सदस्यको उम्मेदवारका लागि १५ हजारबाट ५ हजारमा शुल्क झारिएको छ। लेखा समिति सदस्यले पनि ५ हजार बुझाउँदा हुने भएको छ।
प्रतिक्रिया