हङकङ : एकै महिना २० लाख ८० हजार पर्यटकको आगमन

हङकङमा अप्रिल महिनामा  २० लाख ८९ हजार पर्यटकको आगमन भएको छ।

 हङकङस्थित पर्यटन बोर्ड (एचकेटीबी)का अनुसार अप्रिल महिनामा उक्त संख्यामा पर्यटक भित्रिएका हुन्। जुन अघिल्लो महिनाको तुलनामा १८ प्रतिशत बढी हो।

महिनाको दैनिक औसत आँकडा २०१७–२०१९ अवधि बीचको औसतको लगभग ५८ प्रतिशत मात्र हो।

अप्रिलमा अधिकांश आगन्तुकहरू मुख्य भूमि र दक्षिणपूर्वी एशियाबाट आएका थिए। पाँच दिने श्रमिक दिवस बिदा अघि महिनाको अन्तिम साताको मुख्य भूमिमा आगन्तुकहरूको सङ्ख्या उल्लेखनीय रूपमा वृद्धि भएको छ। 

एचकेटीबीले गत जनवरीमा सन् २०२३ मा हङकङमा अनुमानित २ करोड ५७ लाख पर्यटक भित्रिने बताएको थियो। उक्त संख्या सन् २०१९ मा भित्रिएका पर्यटकको ४६ प्रतिशत मात्रै हो।

कोरोना महामारीपछि हङकङमा पर्यटकीय चहलपहल पातलिएको थियो। विस्तारै यहाँको पर्यटन व्यवसाय लयमा फर्किन थालेको हो।