२० वर्षदेखि मखमली रोप्दै आएको भक्तपुरको गुन्डुमा तिहारको चहलपहल (फोटोफिचर)

नेपालीको ठूलो चाड दशैँ सकिएलगत्तै तिहार नजिकिइसकेको छ। अझ २० वर्षदेखि मखमली रोप्दै आएको भक्तपुरको गुन्डुमा त व्यापारीहरु फूल किन्न आउनथालिसकेका छन्। गुन्डुमा वर्षेनी मखमली फूलको खेती गरिँदै आएको छ।

एक रोपनी जग्गामा रोपिएको फूलबाट एकचोटिमा ३/४ हजार माला बिक्री गर्ने गरेको त्यहाँका किसान बताउँछन्। यतिमात्र हैन व्यापारीहरु त्यहीँ आएर समेत माला किन्ने गरेका छन्। उनीहरुले १५ सय/२ हजार माला फूलखेती भएकै ठाउँबाट लैजाने गरेको स्थानीय कमला बस्नेत बताउँछिन्। यहाँबाट बिक्री भएको माला संघीय राजधानीको असनदेखि अमेरिका र अस्ट्रेलियासम्म पुग्छन्। मखमली फूल तिहारको विशेष प्रतीक हो।

दाजुभाइ र दिदीबहिनीको पवित्र पर्व मानिने तिहारमा कहिल्यै नओइलाउने मखमली फूलको विशेष महत्व रहिआएको छ। दिदीबहिनीले दाजुभाइलाई भाइटीका लगाएपछि मखमली माला पहिराउँछन्।