युनिकोड
रौतहट जिल्ला अदालतले हत्याको आरोपमा पक्राउ परेका कांग्रेस सांसद एवं पूर्वमन्त्री मोहम्मद आफताव आलमलाई थप पाँच दिन हिरासतमा राखेर अनुसन्धान गर्न प्रहरीलाई अनुमति दिएको छ।
आइतबार रौतहट जिल्ला अदालतका न्यायाधीश चित्रबहादुर गुरुङको इजलासले आलममाथि अनुसन्धान गर्न पाँच दिनको म्याद दिएको हो।
सांसद आलमलाई पहिलो संविधानसभाको निर्वाचनको क्रममा २०६४ चैत २७ गतेको बम काण्ड र त्यसका घाइतेको हत्याको मुख्य आरोपी ठहर्याउँदै प्रहरीले असोज २६ गते इद्रिस गेट नजिकैबाट प्रहरीले पक्राउ गरेको थियो।
सांसद आलमलाई यसअघि जिल्ला अदालतले अनुसन्धानका लागि ७ दिन हिरासतमा राख्न अनुमति दिएको थियो। ७ दिनको म्याद सकिएपछि आइतबार अदालतले म्याद थप गरेको हो।
यसअघि प्रहरीले उनलाई दुई पटक अदालत उपस्थित गराए पनि उनले बयान दिन मानेका थिएनन्।
प्रतिक्रिया