उपनिर्वाचन भइरहेका यी तीन निर्वाचन क्षेत्रमा आज सार्वजनिक बिदा

प्रतिनिधिसभा सदस्य उपनिर्वाचन भइरहेका तीनवटा निर्वाचन क्षेत्रमा आज (आइतबार) सार्वजनिक बिदा दिइएको छ।

आज बारा २, चितवन २ र तनहुँ १ मा उपनिर्वाचन भइरहेको छ। 

मतदानस्थल रहेका विद्यालय तथा सरकारी निकायमा भने वैशाख ८ गतेदेखि नै बिदा दिइएको गृह मन्त्रालयले जनाएको छ।

निर्वाचन आयोगका अनुसार बारा २, चितवन २ र तनहुँ १ मा बिहान ७ बजेदेखि अपराह्न ५ बजेसम्मका लागि मतदानको समय तोकिएको छ।