युनिकोड
सर्वोच्च अदालतले कोशी प्रदेशमा ७ दिनभित्र नयाँ सरकार गठन गरिसक्न आदेश दिएको छ।
न्यायाधीशहरु ईश्वरप्रसाद खतिवडा, आनन्दमोहन भट्टराई र तिलप्रसाद श्रेष्ठको पूर्ण इजलासले बिहीबार यस्तो आदेश दिएको हो।
सर्वोच्चले असार २१ मुख्यमन्त्री बनेका उद्धव थापाको नियुक्ति बदर गरेसँगै फेरि एक पटक संविधानको धारा १६८(२) द्वारा सात दिनभित्र नयाँ सरकार बनाइसक्न आदेश दिएको हो।
यो संवैधानिक व्यवस्थाअनुसार दुई वा दुईभन्दा धेरै दलले फेरि एक पटक बहुमत जुटाएर सरकार बनाउने प्रयास गर्नेछन्।
यसअघि थापालाई मुख्यमन्त्री नियुक्तिविरुद्ध एमालेले असार २२ गते रिट हाल्दा उत्प्रेषणको आदेशद्वारा धारा १६८ (३) अनुसार नयाँ सरकारको बाटो खोल्न परमादेश माग गरेको थियो।
सम्बन्धित समाचार
- कोशीमा उद्धव थापालाई मुख्यमन्त्री बनाउने निर्णय बदर, नयाँ सरकार गठन गर्न सर्वोच्चको आदेश
- कोशी प्रदेशमा कांग्रेस नेतृत्वकै सरकार कायम रहन्छ : मुख्यमन्त्री थापा
- कोशीका मुख्यमन्त्रीले विश्वासको मत लिनुअघि नै सत्तामा फर्कने एमालेको प्रयास
- कोशीमा राप्रपाको सहयोग माग्दै देउवाले खटाए नेताहरु, लिङ्देन अझै अनिर्णित
- कांग्रेस बैठकमा कोशीको विवाद छताछुल्ल, बुढाथोकीमाथि खनिए मुख्यमन्त्री थापा
- जब केन्द्रीय सदस्य बुढाथोकीले नेताहरुलाई बैठकमै भने : हु आर यु? नन्सेन्स! टुलुटुलु हेरेर बस्ने?
- कांग्रेस नेता केशव बुढाथोकीको गुनासो : विश्वप्रकाशले गृहजिल्ला मिलाउन सकेनन्, टिकट पनि खोसिदिए
- गगन र विश्वप्रकाशमाथि खनिए नेताहरु, गुट बैठक र मिडियामा रमाएको आरोप
तर सर्वोच्चले थापाको नियुक्तिका लागि बहुमत जुटाउन सभामुख बाबुराम गौतमको हस्ताक्षरलाई असंवैधानिक ठहर गरेपछि फेरि एक पटक उपधारा २ अनुसार नै सरकार गठनको पहल गर्नुपर्ने भएको छ।
यदि उपाधार २ अनुसार सरकार बनाउन फेरि पनि सम्भव नभए उपधारा ३ अनुसार प्रदेशसभाको सबैभन्दा ठूलो दल एमालेले सरकार बनाउने छ।
अबको सात दिनमा उपाधारा २ बाट सरकार बनाउन नसकेमा त्यसपछि एमाले संसदीय दलका नेता हिक्मत कार्कीलाई मुख्यमन्त्री बन्ने बाटो खुल्नेछ।
सर्वोच्चको यो आदेशपछि अहिलेका मुख्यमन्त्री थापा कामचलाउमा परिणत भएका छन्।
कोशी प्रदेशमा नेपाली कांग्रेसको नेतृत्वमा बनेको सरकार गठन प्रक्रिया असंवैधानिक भएको दाबीसहित नेकपा एमालेले गत असार २२ गते सर्वोच्च अदालतमा रिट हालेको थियो।
प्रतिक्रिया