युनिकोड
प्रधानमन्त्रीले आफ्नो आसन्न चीन भ्रमणलाई लिएर आइतबार सिंहदरबारमा बोलाएको सर्वदलीय बैठकमा विभिन्न दलका नेताहरुले आफ्नो सुझाव दिएका छन्।
बैठकमा सत्तादेखि प्रतिपक्षी दलका समेत नेताहरु र सांसदहरु सहभागी थिए।
उक्त बैठकमा नेकपा एमालेका अध्यक्ष एवम् पूर्वप्रधानमन्त्री केपी शर्मा ओली पनि सहाभगी थिए।
उनी बैठकमा केही बेरमात्रै बसेर निस्किएका थिए। उता सत्ता साझेदार नेपाली कांग्रेसका सभापति शेरबहादुर देउवाले प्रधानमन्त्री पुष्पकमल दाहाल प्रचण्डलाई चीन भ्रमणको सफलताको शुभकामना दिए।
अर्कातिर नेकपा एकीकृत समाजवादीका अध्यक्ष माधवकुमार नेपालले चीनले अगस्ट २१ मा जारी गरेको नक्साबारे कुरा उठाए।
उनले २०७५ वैशाखमा जारी भएको नक्साबारे अन्तर्राष्ट्रिय समुदायलाई जानकारी दिएको कुरा आफूलाई थाहा नभएको बताए।
‘नक्साको विषय मलाई पनि जानकारी नभइकन कसरी अन्तर्राष्ट्रिय समुदायलाई पठाइयो?’, उनले भने, ‘मैले अहिलेसम्म थाहा पाएको छैन, कसरी कूटनीतिक रुपमा जानकारी गराइयो?’
प्रतिक्रिया