प्रधानमन्त्री केपी शर्मा ओलीको मनमोहन कार्डियोथोरासिक भास्कुलर एन्ड ट्रान्सप्लान्ट सेन्टरमा एन्जियोग्राफी गरिएको छ।
मंगलबार साँझ छाती दुखेपछि उनी परीक्षणका लागि अस्पताल पुगेका थिए। चिकित्सकले उनलाई तत्काल एन्जियोग्राफी गर्न सुझाएका थिए।
सो परीक्षणको रिपोर्ट सामान्य आएको चिकित्सकहरुले बताएका छन्।
प्रधानमन्त्री ओलीलाई आजै निवास फर्काइने उनको सचिवालयले जानकारी दिएको छ।
गत मंसिरमा प्रधानमन्त्रीले सोही अस्पतालमा अपेन्डिसाइटिसको अप्रेसन गराएका थिए। मिर्गौला प्रत्यारोपण गरेका ओली पछिल्लो समय बारम्बार बिरामी पर्न थालेका छन्। उनको नियमित डायलासिस हुने गरेको छ।
प्रतिक्रिया