एकीकृत समाजवादीको पहिलो केन्द्रीय कमिटी बैठक सुरू, स्वयंसेवकलाई सम्मान

नेकपा एकीकृत समाजवादीको केन्द्रीय कमिटीको प्रथम बैठक पार्टी केन्द्रीय कार्यालय आलोकनगरमा सुरु भएको छ। महाधिवेशनबाट निर्वाचित केन्द्रीय समितिको पहिलो बैठक बसेको हो।

बैठक सुरूअघि भएको कार्यक्रममा दशौं राष्ट्रिय महाधिवेशका स्वयंसेवकहरुलाई कुशलतापूर्वक महाधिवेशन सम्पन्न गरेकोमा अध्यक्ष माधवकुमार नेपालले प्रसंसापत्र प्रदान गरेका थिए। 

त्यस्तै भूतपूर्व सैनिक तथा प्रहरी संगठन समाजवादीले  नवनिर्वाचित केन्द्रीय कमिटीलाई बधाई ज्ञापन गरेको छ।

एकीकृत समाजवादीको हिजो सकिएको १० औं महाधिवेशनले पदाधिकारीमा अध्यक्ष, सम्मानित नेता र महासचिव मात्रै टुंग्याएको थियो। त्यस्तै ९३ सदस्यीय केन्द्रीय  घोषणा गरिएको थियो।