बहुक्षेत्रीय प्राविधिक तथा आर्थिक सहयोगका लागि बंगलाको खाडीको प्रयास (बिमस्टेक)को छैटौं शिखर सम्मेलन तत्कालका लागि सरेको छ।
सम्मेलन थाइल्यान्डको बैंककमा भदौ १८ र १९ गते हुने तय भएको थियो। थाइल्यान्डमा पछिल्लो समय देखिएको राजनीतिक परिवर्तनपछि सम्मेनल केही समयलाई थाँती राखिएको हो।
थाइल्यान्डस्थित नेपाली दूतावासका अनुसार त्यहाँको विदेशमन्त्रालयले पत्राचार गरेर हाललाई सम्मेलन नहुने जानकारी दिएको हो। सम्मेलनको नयाँ मिति भने तय भएको छैन।
सम्मेलनमा सहभागी हुन नेपालबाट प्रधानमन्त्री केपी शर्मा ओली जाने तयारी थियो। यही मेसोमा ओलीले थाइल्यान्ड भ्रमणलाई द्वीपक्षीय समेत बनाउने तयारी गरेका थिए।
सन् १९९७ मा स्थापना भएकाे बिमस्टेककाे नेपाल सन् २००४ मा सदस्य बनेको थियो।
72
Shares
प्रतिक्रिया